M e s r a D e n g O m b a k

Ombak
[Toni Koromat

M e s r a        D e n g        O m b a k

Beta mau baku-polo deng ombak
Tolong jang ombak bahambak
Manganga ka sini Beta mohon jang bale muka
Sapa suruh ombak ganggu-ganggu beta kamuka

Tiap malam ombak slalu manyanyi voor Beta
Tiap malam ombak tado mangarti Orang kampong pi mangael
Apa seng bisa ombak iko Beta
Baganggu Beta artinya sama deng ombak bapanggel


Ombak e...
Dari dolo katong dua sama-sama waktu beta kacupeng
Ombak e...
Katong dua su ika janji seng menyakiti walau Beta su banyak kepeng
Ombak e...
Voor ale tau Beta seng pernah mau dong biking tanggul di kampong
Ombak e...
Katong dua ini baku-kanal indah macam deng kepompong

Beta seng lupa ombak slalu batamang katong
Ombak batamang sore-sore deng beta pi panggayong
Bapukul di badang parahu beta
Kas kaluar ampas pasir di parahu beta

Dolo-dolo Ombak su parnah biking cilaka beta pung Oyang-oyang
Ombak mangamuk iko ajakan tana goyang
Skarang katong dua su baku-bae
Beta mau jang ombak macam dolo-dolo lae

Ombak jang biking beta takotang
Ombak harus tado bantu nelayan bayar hutang
Ombak jang biking badang basar iko tana goyang

Arman Kalean
[Toni Koromat]

Ombak harus kacil supaya beta bisa deng ombak baku-goyang

Beta su rindu mo polo ombak
Biar dong bilang ombak su bahambak
Beta yakin dong hanya parlente
Ombak pasti su kombali kacil la tunggu beta di pante

              Ketintang Barat III, 29/11/2013, Pukul 7:29.

                _Arman Kalean_